ចាប់ពីថ្ងៃទី ១៥ ខែមិថុនា ឆ្នាំ២០២០ នេះតទៅ អ្នកអាចចុះបញ្ជីអាជីវកម្មរបស់អ្នកជាមួយក្រសួងច្រើនក្នុងពេលតែមួយ!
* ក្នុងដំណាក់កាលនេះ អ្នកអាចចុះបញ្ជីអាជីវកម្មតាមថ្នាលបច្ចេកវិទ្យាព័ត៌មានជាមួយក្រសួងពាណិជ្ជកម្ម អគ្គនាយកដ្ឋានពន្ធដារ ក្រសួងការងារ និងបណ្ដុះបណ្ដាលវិជ្ជាជីវៈ និងក្រុមប្រឹក្សាអភិវឌ្ឍន៍កម្ពុជា។ ក្រសួងពាក់ព័ន្ធដទៃទៀតនឹងចូលរួមក្នុងដំណាក់កាលបន្ទាប់។
ពួកយើងជាសេវាកម្មច្រកចេញចូលតែមួយដែលជួយសម្រួលដល់ការចុះបញ្ជីអាជីវកម្មរបស់លោកអ្នកតាមប្រព័ន្ធបច្ចេកវិទ្យាព័ត៌មាន។ ពួកយើងនៅទីនេះដើម្បីជួយអ្នកដោះស្រាយបញ្ហាដែលកើតមានឡើងក្នុងកំឡុងពេលចុះបញ្ជីអាជីវកម្មរបស់អ្នក។
ចំណាយពេលវេលារង់ចាំយ៉ាងយូរ
៨ថ្ងៃនៃថ្ងៃធ្វើការ
លុបបំបាត់ការបំពេញឯកសារដដែលៗ
ចំណាយថវិកាតិចជាងមុនច្រើន
ទូទាត់ថ្លៃសេវាទាំងអស់ក្នុង
ការចុះបញ្ជីអាជីវកម្មក្នុងពេលតែមួយ
តាមអនឡាញ និង
ទទួលបានអាជ្ញាបណ្ណ និងវិញ្ញាបនបត្រ
ក្នុងទម្រង់ឌីជីថលតាមរយៈប្រព័ន្ធ
ពិនិត្យមើលធនធានឯកសារដែលមានប្រយោជន៍
អនុក្រឹត្យស្ដីពីការចុះបញ្ជី អាជីវកម្មតាមប្រព័ន្ធ IT
PDF Format
ប្រកាសលេខ ៣៣៣ សហវ ប្រក
PDF Format
សេចក្ដីជូនដំណឹងរបស់ធនាគារជាតិ
PDF Format
ប្រកាសលេខ ១៩៣ សហវ
ប្រក
PDF Format
បើកអាជីវកម្មដោយប្រើប្រាស់តែ ៧ជំហាន
PDF Format
ប្រកាសលេខ ១៩៨ សហវ
ប្រក
PDF Format
សេចក្ដីជូនដំណឹងលើនីតិវិធីបម្រុងទុកនាមករណ៍
PDF Format
ប្រកាសលេខ ៣១៦ សហវ
ប្រក
PDF Format
សៀវភៅមគ្គុទេសក៍
PDF Format
ប្រកាសលេខ ៣៣៥ សហវ ប្រក
PDF Format
៤ ជំហានក្នុងការបម្រុងទុកនាមករណ៍
PNG Format
សេចក្ដីជូនដំណឹង ១៤៩៧ ព.ណ.ចបព
PDF Format
ប្រកាសលេខ ០២៥ សហវ.ប្រក អពដ
PDF Format
ប្រកាសលេខ ៧០១ សហវ
ប្រក
PNG Format
ប្រកាសលេខ ០០៩ សហវ
ប្រក
PDF Format
CamDigiKey គឺជាសេវាកម្ម single sign-on តាមទូរស័ព្ទដែលជឿនលឿនបំផុតរបស់រដ្ឋាភិបាលកម្ពុជា និងដែលអ្នកអាចជឿទុកចិត្តបាន។
តាមរយៈ CamDigiKey ឥលូវនេះអ្នកអាចផ្សារភ្ជាប់ទៅនឹងសេវាកម្មរដ្ឋាភិបាលឌីជីថល
ទាំងអស់នៅកម្ពុជា។
ការចុះបញ្ជីអាជីវកម្មតាមប្រព័ន្ធបច្ចេកវិទ្យាព័ត៌មានគឺជានីតិវិធីនៃការចុះបញ្ជីអាជីវកម្មថ្មីដែលមានលក្ខណៈបង្រួបបង្រួម និងធ្វើឡើងតាមអនឡាញទាំងស្រុងដោយប្រើប្រាស់ថ្នាលបច្ចេកវិទ្យាព័ត៌មាន។
តាមគោលការណ៍ចាស់ អ្នកត្រូវទៅចុះបញ្ជីអាជីវកម្មរបស់អ្នកនៅក្រសួង–ស្ថាប័នផ្សេងៗគ្នា និងតាមនីតិវិធីខុសៗគ្នា។ ចំណែកប្រព័ន្ធចុះបញ្ជីរបស់ក្រសួង–ស្ថាប័ននីមួយៗមានលក្ខណៈដាច់ដោយឡែកពីគ្នា និងមិនអាចផ្សារភា្ជប់ ផ្លាស់ប្ដូរទិន្នន័យគ្នាបាន ដែលតម្រូវឱ្យអ្នកត្រូវបំពេញព័ត៌មានដដែលៗលើទម្រង់បែបបទ របស់ក្រសួង–ស្ថាប័នផ្សេងគ្នា។
សម្រាប់ការចុះបញ្ជីអាជីវកម្មតាមថ្នាលបច្ចេកវិទ្យាព័ត៌មានថ្មីនេះ អ្នកអាចធ្វើការចុះបញ្ជីពាណិជ្ជកម្ម ចុះបញ្ជីពន្ធដារ និងធ្វើសេចក្ដីប្រកាសជូនដំណឹងបើកសហគ្រាសក្នុងពេលតែមួយបាននៅលើថ្នាលបច្ចេកវិទ្យាព័ត៌មានតែមួយ។ ដោយឡែកក្នុងដំណាក់កាលដំបូងនេះ ការចុះបញ្ជី ឬសុំការអនុញ្ញាតពីក្រសួង–ស្ថាប័នដទៃ ក្រៅពីក្រសួងពាណិជ្ជកម្ម អគ្គនាយកដ្ឋានពន្ធដារ និងក្រសួងការងារ និងបណ្ដុះបណ្ដាលវិជ្ជាជីវៈ នឹងតម្រូវឱ្យអ្នកធ្វើតាមនីតិវិធីដដែលរបស់ក្រសួង–ស្ថាប័នសាមី។ តាមរយៈដំណើរការចុះបញ្ជីថ្មីនេះ ការចុះបញ្ជីអាជីវកម្មមួយអាចចំណាយពេលយ៉ាងយូរ ៨ថ្ងៃនៃថ្ងៃធ្វើការ ខណៈពេលដែលតម្លៃសេវាថោកជាងមុន។ អ្នកក៏អាចទូទាត់សងប្រាក់សេវាទាំងអស់ក្នុងការចុះបញ្ជីអាជីវកម្មតាមអនឡាញដោយប្រើប្រាស់សេវា ABA Pay សម្រាប់អតិថិជនធនាគារវឌ្ឍនៈអាស៊ីចំកាត់ (ABA) និងតាមកាតឥណទាន ឬកាតឥណពន្ធសម្រាប់អតិថិជនធនាគារផ្សេងទៀត។ ក្រោយការចុះបញ្ជីអាជីវកម្ម ជោគជ័យ អ្នកនឹងទទួលបានអាជ្ញាបណ្ណ និងវិញ្ញាបនបត្រក្នុងទម្រង់ឌីជីថលតាមរយៈថ្នាលបច្ចេកវិទ្យាព័ត៌មានរបស់យើងខ្ញុំ។
អត្ថប្រយោជន៍មានដូចជា៖
១. ចំណាយពេលវេលារង់ចាំយ៉ាងយូរ៨ថ្ងៃ នៃថ្ងៃធ្វើការ
២. លុបបំបាត់ការបំពេញឯកសារដដែលៗ
៣. ចំណាយថវិកាតិចជាងមុនច្រើន
៤. ទូទាត់ថ្លៃសេវាទាំងអស់ក្នុងការចុះបញ្ជីអាជីវកម្មក្នុងពេលតែមួយតាមអនឡាញ
៥. ទទួលបានអាជ្ញាបណ្ណ និងវិញ្ញាបនបត្រក្នុងទម្រង់ឌីជីថលតាមរយៈប្រព័ន្ធ។
១. បង្កើតអត្តសញ្ញាណផ្ទាល់ខ្លួនសម្រាប់អាជីវកម្មអ្នក។
២. ជៀសវាងការផាកពិន័យផ្សេងៗ និងការតម្រូវឱ្យបិទទ្វារអាជីវកម្ម។
៣. ទទួលបានការគាំពារតាមផ្លូវច្បាប់។
៤. ទាក់ទាញអតិថិជន (ក្រុមហ៊ុនធំ) ដែលបញ្ជាទិញក្នុងទំហំធំ ព្រោះគ្មានក្រុមហ៊ុនធំណា ចង់រកស៊ីជាមួយអាជីវកម្មដែលមិនចុះបញ្ជីនោះទេ។
៥. ជួយសម្រួលដល់កម្ចីប្រាក់ពីធនាគារ និងការវិនិយោគពីវិនិយោគិន។
៦. ទទួលបានអត្ថប្រយោជន៍ផ្សេងៗពីបេឡាជាតិរបបសន្តិសុខសង្គមសម្រាប់និយោជិតរបស់អ្នក។
៧. បំពេញកាតព្វកិច្ចជាពលរដ្ឋ ក្រោមច្បាប់និងបទប្បញ្ញត្តិនៃប្រទេសកម្ពុជា។
ក្នុងដំណាក់កាលនេះ មានតែក្រសួងពាណិជ្ជកម្ម អគ្គនាយកដ្ឋានពន្ធដារ ក្រសួងការងារ និងបណ្ដុះបណ្ដាលវិជ្ជាជីវៈ ក្រសួងមហាផ្ទៃ ក្រុមប្រឹក្សាអភិវឌ្ឍន៍កម្ពុជា និងក្រសួងសេដ្ឋកិច្ច និងហិរញ្ញវត្ថុប៉ុណ្ណោះដែលចូលរួម។ នៅដំណាក់កាលបន្តបន្ទាប់នឹងមានស្ថាប័នរដ្ឋពាក់ព័ន្ធផ្សេងទៀតចូលរួមផងដែរ។
មិនមានទេ សម្រាប់ដំណើរការទាំងមូល។ ប្រព័ន្ធថ្មីនេះផ្ដោតការយកចិត្តទុកដាក់ទៅលើបទពិសោធន៍អ្នកប្រើប្រាស់ដែលល្អជាងមុន និងអនុញ្ញាតឱ្យអ្នកអាចធ្វើការស្នើសុំ និងចុះបញ្ជីអាជីវកម្មបានដោយខ្លួនឯង។
ប្រសិនបើអ្នកត្រូវការជំនួយ អ្នកអាចប្រគល់សិទ្ធិឱ្យអ្នកតំណាងដើម្បីជួយអ្នកក្នុងការចុះបញ្ជី។តាមយន្តការចុះបញ្ជីចាស់ មានភ្នាក់ងារដែលជួយលើការចុះបញ្ជីពាណិជ្ជកម្មនិងត្រូវបានទទួលស្គាល់ដោយក្រសួងពាណិជ្ជកម្ម និងភ្នាក់ងារដែលជួយលើការចុះបញ្ជីពន្ធដារ និងត្រូវបានទទួលស្គាល់ដោយអគ្គនាយកដ្ឋានពន្ធដារ។ ដោយឡែក ភ្នាក់ងារទាំងនេះមិនបានទទួលវគ្គបណ្ដុះបណ្ដាល ឬការទទួលស្គាល់សម្រាប់ប្រព័ន្ធថ្មីនេះទេ។
ក្រុមការងារគាំទ្រមិនមានការិយាល័យរូបវ័ន្តទេ។ លោកអ្នកអាចស្វែងរកជំនួយតាមរយៈ៖
អាជីវកម្មដែលរាប់ចាត់ចូលជាអ្នកជាប់ពន្ធតូច, អ្នកជាប់ពន្ធមធ្យម និងអ្នកជាប់ពន្ធធំ អាចធ្វើការចុះបញ្ជីតាមថ្នាលបាន។ អាជីវកម្មរបស់លោកអ្នកត្រូវតែជាអាជីវកម្មថ្មី ដែលមិនធ្លាប់បានចុះបញ្ជីនៅក្រសួងពាណិជ្ជកម្ម អគ្គនាយកដ្ឋានពន្ធដារ និងក្រសួងការងារនិងបណ្ដុះបណ្ដាលវិជ្ជាជីវៈ។
ប្រភេទសហគ្រាសនីមួយៗតម្រូវឱ្យមានឯកសារភ្ជាប់ផ្សេងៗគ្នា។ សម្រាប់ព័ត៌មានលម្អិត សូមអានសៀវភៅមគ្គុទេសក៍។
អ្នកអាចស្កេនឯកសារច្បាប់ដើម ហើយបញ្ចូលវាជាឯកសារភ្ជាប់។ ឯកសារភ្ជាប់ត្រូវតែច្បាស់អាចអានបាន និងស្ថិតក្នុងទម្រង់ pdf។
អត់ទេ។ ប៉ុន្តែ អ្នកមានកាតព្វកិច្ចក្នុងការផ្ដល់ព័ត៌មានពិត និងត្រឹមត្រូវមកកាន់ពួកយើង។
ប្រសិនបើអ្នកបានចុះបញ្ជីអាជីវកម្មមុនថ្ងៃទី១៥ ខែមិថុនា ឆ្នាំ២០២០ សូមចូលទៅកាន់ប្រព័ន្ធចុះបញ្ជីរបស់ក្រសួង-ស្ថាប័នពាក់ព័ន្ធដែលអ្នកបានចុះបញ្ជីពីមុនមក ដើម្បីធ្វើបច្ចុប្បន្នភាពព័ត៌មានក្រុមហ៊ុនអ្នក។ ប៉ុន្តែប្រសិនបើអ្នកបានចុះបញ្ជីអាជីវកម្មនៅលើថ្នាលបច្ចេកវិទ្យាព័ត៌មានថ្មីនេះ យើងខ្ញុំសូមអធ្យាស្រ័យដែលត្រូវជម្រាបជូនថា លោកអ្នកមិនទាន់អាចធ្វើបច្ចុប្បន្នភាពព័ត៌មានក្រុមហ៊ុនលោកអ្នកនៅលើថ្នាលថ្មីនេះទេ។ យើងខ្ញុំកំពុងស្វះស្វែងធ្វើការទៅលើមុខងារនេះ។
សូមយកលក្ខន្តិកៈច្បាប់ដើម ចំនួន ២ ច្បាប់ ទៅតម្កល់នៅក្រសួងពាណិជ្ជកម្ម។ ក្រសួងពាណិជ្ជកម្មនឹងវាយត្រាលើនោះ។ ប្រសិនបើអ្នកត្រូវការលក្ខន្តិកៈដែលមានត្រានោះសម្រាប់ការបើកគណនីធនាគារ ឬការប្រើប្រាស់ផ្ទាល់ខ្លួន សូមយកលក្ខន្តិកៈទៅបន្ថែម។
អត់ទេ។ សូមចូលទៅកាន់ប្រព័ន្ធចុះបញ្ជីរបស់ក្រសួង-ស្ថាប័នពាក់ព័ន្ធដែលអ្នកបានចុះបញ្ជីពីមុនមក ដើម្បីធ្វើបច្ចុប្បន្នភាព។
សម្រាប់ការប្រឹក្សាដោយឥតគិតថ្លៃលើការជ្រើសរើសកម្មវត្ថុ និងសកម្មភាពអាជីវកម្ម សូមទាក់ទងទៅកាន់មន្ត្រីជំនាញនៃក្រសួងពាណិជ្ជកម្មដោយផ្ទាល់ តាមរយៈលេខទូរស័ព្ទទាន់ហេតុការណ៍ ០៨១ ៨៨៨ ២៩៦ (ចុចលេខ ២)។
ការបញ្ជូនត្រឡប់នឹងកើតឡើង ក្នុងករណីមានការផ្ដល់ព័ត៌មាន និង/ឬ ឯកសារមិនត្រឹមត្រូវ និង/ឬ មិនគ្រប់គ្រាន់ នៅក្នុងពាក្យស្នើសុំ។ ដូច្នេះ, ការបញ្ជូនត្រលប់នឹងត្រូវធ្វើឡើងដោយមន្រ្តីត្រួតពិនិត្យ ដើម្បីស្នើសុំឱ្យអ្នកចុះបញ្ជីធ្វើការកែតម្រូវ និង/ឬបំពេញព័ត៌មាន និង/ឬ ឯកសារបន្ថែម។ រាល់ពាក្យស្នើសុំដែលត្រូវបានបញ្ជូនត្រលប់ មិនតម្រូវឱ្យអ្នកចុះបញ្ជីបង់ប្រាក់ជាលើកទី ២ នោះទេ។ នៅពេលដែលពាក្យស្នើសុំនោះត្រូវបានដាក់ស្នើម្ដងទៀត ក្រោយពីអ្នកចុះបញ្ជីបានផ្តល់ព័ត៌មាន និង/ឬឯកសារ តាមរយៈប្រព័ន្ធហើយ, ពេលវេលាត្រួតពិនិត្យនឹងត្រូវរាប់សារឡើងវិញ (ក្រសួងពាណិជ្ជកម្ម ៣ ថ្ងៃនៃថ្ងៃធ្វើការ, អគ្គនាយកដ្ឋានពន្ធដារ ៤ ថ្ងៃនៃថ្ងៃធ្វើការ, ក្រសួងការងារនិងបណ្ដុះបណ្ដាលវិជ្ជាជីវៈ ១ ថ្ងៃនៃថ្ងៃធ្វើការ)។
ពាក្យស្នើសុំដែលត្រូវបានបដិសេធហើយ មិនអាចកែតម្រូវហើយដាក់ស្នើម្ដងទៀតបានឡើយ គឺពាក្យស្នើសុំចុះបញ្ជីនោះត្រូវបានបិទជាស្ថាពរ។ ប្រសិនបើអ្នកចុះបញ្ជីចង់ចុះបញ្ជីឡើងវិញ, ព័ត៌មាននិងឯកសារតម្រូវដែលទាមទារនៅក្នុងពាក្យស្នើសុំ និងការបង់ប្រាក់លើកទី ២ សម្រាប់ការចុះបញ្ជីអាជីវកម្ម ត្រូវតែបំពេញ និងធ្វើឡើងវិញទាំងអស់។ ក្នុងករណីដែលត្រូវការការបកស្រាយលើការបដិសេធ សូមទាក់ទងផ្ទាល់ទៅកាន់ក្រសួង-ស្ថាប័នដែលធ្វើការបដិសេធ តាមរយៈលេខទូរស័ព្ទទាន់ហេតុការណ៍ ០៨១ ៨៨៨ ២៩៦ (ចុចលេខ ២ សម្រាប់ក្រសួងពាណិជ្ជកម្ម, លេខ ៣ សម្រាប់អគ្គនាយក-ដ្ឋានពន្ធដារ និងលេខ ៤ សម្រាប់ក្រសួងការងារនិងបណ្ដុះបណ្ដាលវិជ្ជាជីវៈ)។
តម្លៃសេវាមានភាពខុសគ្នាទៅតាមទម្រង់នៃអាជីវកម្មរបស់អ្នក ប្រភេទនៃសេវា និងថាតើក្រុមហ៊ុនរបស់អ្នកជាប់ពន្ធតូច មធ្យម ឬធំ។ សម្រាប់ព័ត៌មានលម្អិត សូមអានសៀវភៅមគ្គុទេសក៍។
យើងខ្ញុំទទួលតែមធ្យោបាយទូទាត់ប្រាក់អនឡាញតែប៉ុណ្ណោះ។ បច្ចុប្បន្ន យើងខ្ញុំទទួលមធ្យោបាយទូទាត់សងប្រាក់តាមអនឡាញរបស់អតិថិជនធនាគារ ABA និងតាមកាតឥណទាននិងកាតឥណពន្ធដូចជា Visa, Mastercard, UnionPay ជាដើម។ ពួកយើងកំពុងធ្វើការទៅលើមធ្យោបាយទូទាត់សងប្រាក់តាមធនាគារផ្សេងៗទៀត។
អត់ទេ លុះត្រាតែភាពបរាជ័យក្នុងការចុះបញ្ជីអាជីវកម្មនោះត្រូវបានបង្កឡើងដោយកំហុសរបស់ប្រព័ន្ធ។
សូមធ្វើការទាក់ទងមកលេខទូរស័ព្ទទាន់ហេតុការណ៍ ០៨១ ៨៨៨ ២៩៦ (ចុចលេខ ១) ឬរាយការណ៍បញ្ហាខាងលើទៅកាន់ទំព័រហ្វេសប៊ុកយើងខ្ញុំ។ សូមមេត្តាកុំបារម្ភលើការកាត់ទឹកប្រាក់នៅក្នុងគណនីធនាគាររបស់អ្នក។
អ្នកនឹងទទួលបានអាជ្ញាបណ្ណ និងវិញ្ញាបនបត្រក្នុងទម្រង់ឌីជីថល ក្នុងរយៈពេល ៨ (ប្រាំបី) ថ្ងៃនៃថ្ងៃធ្វើការ ក្រោយពីអ្នកបានដាក់ស្នើចុះបញ្ជីអាជីវកម្ម លុះណាតែអ្នកចុះបញ្ជីផ្ដល់នូវព័ត៌មាន និងឯកសារទាំងអស់ពិតប្រាកដ ត្រឹមត្រូវ និងគ្រប់គ្រាន់ ហើយម្ចាស់ភាគហ៊ុន និងអភិបាលមិនមានជាប់ទោសទណ្ឌ និង/ឬបំណុលពន្ធ។
គួរបញ្ជាក់ផងដែរថា ការចុះបញ្ជីអាជីវកម្មតាមប្រព័ន្ធបច្ចេកវិទ្យាព័ត៌មាននេះមានវិសាលភាពត្រឹមតែការចុះបញ្ជីអាជីវកម្មតែប៉ុណ្ណោះ និងមិនមានវិសាលភាពទៅលើការផ្ដល់អាជ្ញាបណ្ណជំនាញឡើយ។ អាជ្ញាបណ្ណ/វិញ្ញាបនបត្រឌីជីថលដែលចេញដោយក្រសួង-ស្ថាប័នពាក់ព័ន្ធនានាតាមរយៈប្រព័ន្ធបច្ចេកវិទ្យាព័ត៌មានរបស់យើងមានសុពលភាពហើយ ហើយអ្នកអាចបន្តការសុំអាជ្ញាបណ្ណផ្សេងៗជាមួយក្រសួង-ស្ថាប័នជំនាញផ្សេងៗទៀតស្របទៅតាមភាពតម្រូវនៃអាជីវកម្មរបស់អ្នក។ ឧទាហរណ៍ ប្រសិនបើសកម្មភាពអាជីវកម្មរបស់អ្នកទាក់ទងនឹងវិស័យទេសចរណ៍ អ្នកនឹងត្រូវសុំអាជ្ញាបណ្ណពីក្រសួងទេសចរណ៍។ បច្ចុប្បន្ន នីតិវិធីនេះធ្វើឡើងនៅក្រសួង-ស្ថាប័នសាមីនៅឡើយទេ។
អត់ទេ។ អាជ្ញាបណ្ណ/វិញ្ញាបនបត្រឌីជីថលដែលចេញដោយប្រព័ន្ធបច្ចេកវិទ្យាព័ត៌មានរបស់យើងមានសុពលភាពផ្លូវច្បាប់ហើយ។ ប៉ុន្តែប្រសិនបើអ្នកត្រូវការអាជ្ញាបណ្ណ/វិញ្ញាបនបត្របោះពុម្ពសម្រាប់គោលបំណងផ្សេងៗ លោកអ្នកអាចទាក់ទងទៅក្រសួង-ស្ថាប័នពាក់ព័ន្ធដើម្បីធ្វើការស្នើសុំ។
អ្នកអាចបោះពុម្ពអាជ្ញាបណ្ណ/វិញ្ញាបនបត្របានសម្រាប់ការប្រើប្រាស់ផ្សេងៗ ពីព្រោះរាល់អាជ្ញាបណ្ណ/វិញ្ញាបនបត្រទាំងអស់មានទម្រង់ជាឌីជីថល។ ប្រសិនបើអ្នកបាត់អាជ្ញាបណ្ណ/វិញ្ញាបនបត្រឌីជីថល អ្នកអាចធើ្វការស្នើសុំតាមរយៈប្រព័ន្ធបច្ចេកវិទ្យាព័ត៌មានរបស់យើងបាន។
អ្នកអាចបោះពុម្ពអាជ្ញាបណ្ណ/វិញ្ញាបនបត្រឌីជីថលដាក់តាំងបង្ហាញអតិថិជន និងដៃគូរកសុីរបស់អ្នកបាន។
